حکومت کی رخصت سے قبل بڑے پیمانے پر کلیدی تقرریاں
شیئر کریں
پی ڈی ایم کی جاتی حکومت نے اپنی معیاد مکمل ہونے سے قبل اقتصادیات اور مالیات سے متعلق وزارتوں اور ان سے وابستہ محکموں میں کئی کلیدی عہدوں پر تقرریاں کر دی ہیں جن میں ڈپٹی گورنر اسٹیٹ بینک سلیم اللہ کا انتخاب بھی شامل ہے۔ وزارت خزانہ نے مذکورہ منصب کے لیے وفاقی کا بینہ کو تین نام دیے تھے جس میں سلیم اللہ کی منظوری دی گئی۔ اس کے علاوہ نیشنل بینک، ایس ای سی پی اور سی سی پی کے سر براہ بھی مقرر کیے گئے۔ ڈائر یکٹر جنرل ڈیبٹ (قرضہ) آفس کے طور پر سابق بیورو کریٹ محسن چاند نا کا تقرر عمل میں آیا، حال ہی میں رحمت علی حسنی کو نیشنل بینک کا صدر بنایا گیا۔ حکومت نے مسابقتی کمیشن میں چار نئے ارکان ڈاکٹر کبیر احمد سدھو، سلمان امین، عبد الرشید شیخ اور سعید احمد نواز کی گزشتہ ماہ تعیناتیاں کیں جبکہ کبیر احمد سدھو سی سی پی کے چیئرمین بنائے گئے۔ میڈیا رپورٹس کے مطابق اتحادی حکومت نے جانے سے قبل سوئی سدرن کا نیا بورڈ تشکیل دینے کی منظوری دے دی جس کے تحت ڈاکٹر شمشاد اختر ایس ایس جی سی بورڈ کی چیئرپرسن ہوں گی، اس کی وفاقی کابینہ سے سرکولیشن سمری پر منظوری لے لی گئی۔ سوئی سدرن بورڈ ارکان میں خالد رحمان، محمد اکرم، عمرظفر اللہ، صاحبزادہ رفات روف علی، طحہ احمد خان اور رضوان اللہ خان بھی شامل ہیں، ایس ایس جی سی ایل کا نیا بورڈ 3 سال کے لیے ہوگا۔ کالم نگار خورشید احمد ندیم کو رحمت للعالمین اتھارٹی کا چیئر مین بنا دیا گیا، ان کی تقرری کا نو ٹیفکیشن جاری کردیا گیاہے۔ ادھر وفاقی حکومت نے نعیم الدین خان کو چیئر مین بورڈ آ ڈائریکٹرز زرعی ترقیاتی بنک مقرر کرنے کی منظوری دے دی، ان کی تقرری تین سال کیلئے کی گئی ہے، کابینہ کی منظوری کے بعد فنانس ڈویژن نے ان کی تقرری کا نو ٹیفکیشن جاری کر دیا ہے۔ وفاقی حکومت نے چیئرمین نیپرا کے لیے وسیم مختار کے نام کی منظوری دے دی۔ حکومت نے طاہر یعقوب بھٹی کو زرعی ترقیاتی بنک لمٹیڈ کا صدر تعینات کر دیا ہے، وزارت خزانہ کے جاری نوٹیفکیشن کے مطابق طاہر یعقوب بھٹی کو آئندہ تین برس کیلئے صدر/سی ای او مقرر کیا گیا ہے ان کی کلیئرنس اسٹیٹ بینک آف پاکستان نے دی۔
