کراچی: نامعلوم افراد کی فائرنگ، میڈیکل اسٹور کا مالک جاں بحق، 2 بیٹے زخمی
شیئر کریں
کراچی میں لیاری بہار کالونی میں میڈیکل اسٹور پر فائرنگ سے اسٹور کا مالک جاں بحق اور2 بیٹے زخمی ہو گئے۔ لیاری بہار کالونی میں نامعلوم ملزمان نے میڈیکل اسٹور پر فائرنگ کی اور پیدل فرار ہو گئے۔ میڈیکل اسٹور پر فائرنگ سے نور محمد نامی شخص جاں بحق ہوگیا جبکہ اس کے 2 بچے 11 سالہ اسماعیل اور 10 سالہ شہزاد زخمی ہیں۔ فائرنگ کا واقعہ ٹارگٹڈ لگتا ہے، ملزمان نے مقتول سے کوئی لوٹ مار کی واردات نہیں کی، ملزمان مقتول کے میڈیکل اسٹور پر آئے فائرنگ کی اور فرار ہوگئے۔ مقتول نور محمد کے کزن میر واعظ نے بتایا کہ واقعہ کے وقت علاقے کی لائٹ گئی ہوئی تھی اور دونوں بچے بھی اسٹور پر ساتھ تھے۔ نور محمد کا آبائی تعلق کوئٹہ سے ہے جبکہ اس کی بیوی رشتہ دار کی شادی میں کوئٹہ گئی ہوئی ہے۔ مقتول کئی سالوں سے کراچی میں مقیم تھا، اس کے 5 بچے ہیں جن میں 4 بیٹے اور ایک بیٹی ہے۔ نور محمد کے کزن کا کہنا ہے کہ ہماری کسی سے کوئی دشمنی نہیں۔
