شہید عالم مفتی شاہ میر بزنجو نے کلبھوشن یادیو کو گرفتار کرایا تھا، بھارتی اخبار
جرات ڈیسک
پیر, ۱۰ مارچ ۲۰۲۵
شیئر کریں
بھارتی میڈیا نے دعویٰ کیا ہے کہ بلوچستان میں شہید عالم دین مفتی شاہ میر بزنجو نے کلبھوشن یادیو کو گرفتار کرایا تھا۔
مفتی شاہ میر پر ماضی میں بھی دو مرتبہ قاتلانہ حملے ہوئے جس میں وہ معجزانہ طور پر محفوظ رہے تھے۔ تاہم وہ جمعہ کی رات نماز عشاء کے بعد تربت کی ایک مقامی مسجد سے نکلتے ہوئے موٹر سائیکل پر سوار مسلح افراد کے تیسرے حملے کا شکار ہوئے۔
انہیں قریب سے متعدد گولیاں ماری گئیں اور وہ اسپتال میں دم توڑ گئے۔
انڈین میڈیا نے بھارت کے پرانے موقف کو دہراتے ہوئے دعویٰ کیا کہ کلبوشن یادیو کو ایران سے اغوا کر کے لایا گیا تھا اور اس کام میں مفتی شاہ میر نے مدد کی تھی۔
دوسری طرف بلوچ قوم پرست حلقے مفتی شاہ میر بزنجو کے قتل پر طرح طرح کے سوالات اُٹھا رہے ہیں اور اُن کے ماضی قریب میں بدلتے رجحانات کو خاص طور پر اجاگر کر رہے ہیں۔
