سنی اتحاد کونسل کے رہنما حکمران اتحاد پر برس پڑے، صدارتی انتخاب پر سوالات اٹھا دیے
شیئر کریں
سنی اتحاد کونسل کے رہنما حکمران اتحاد پر برس پڑے اور انہوں نے صدارتی انتخاب پر سوالات اٹھا دیے۔پارلیمنٹ ہائوس کے باہر میڈیا سے گفتگو میں بیرسٹر گوہر کا کہنا تھا کہ کرپٹ عناصر کے بادشاہ کو ملک پر مسلط کیا جارہا ہے۔اسد قیصر کا کہنا تھا کہ سارا عمل متنازع بنا دیا گیا جبکہ بیرسٹر علی ظفر نے کہا کہ جب مخصوصی نشستوں کا معاملہ عدالتوں میں تھا تو ان افراد کو ووٹ کی اجازت کیسے مل گئی۔پی ٹی آ ئی رہنمائوں نے کہا کہ شہباز شریف جعلی مینڈیٹ پر وزیراعظم بنے آج زرداری صاحب بھی جعلی ووٹوں سے صدر بنیں گے، مفاہمت کا نہیں بلکہ کر پٹ عنا صر کا با دشاہ آصف زرداری ملک پر مسلط کیا جا رہا ہے۔انہوں نے صدارتی الیکشن کو متنازع قرار دیا جبکہ تحریک انصاف کے جنرل سیکریٹری عمر ایواب کا کہنا تھا کہ جن کو عوام نے مسترد کیا، انہیں جعلی طریقے سے عہدے دیئے جارہے ہیں۔بیرسٹر گوہر نے کہا آئینی عہدوں پر غیر آئینی طریقے سے براجمان ہونا آئین کی پامالی ہے، پہلے 2خاندان ملکی وسائل پر قابض تھے، اب جمہوری اداروں پر بھی قابض ہونے جا رہے ہیں۔ا سد قیصر کا کہنا تھا کہ اسمبلی نامکمل ہونے پر صدارتی الیکشن غیرقانونی ہیں، قانونی جنگ لڑ رہے ہیں، عوام کے پاس بھی جائیں گے۔ عامر ڈو گر نے کہا کہ ہمارا مینڈیٹ چوری کر کے آئے ہیں جبہک سینیٹر علی ظفر کے بھی تحفظات کہا کہ یہ متنازع انتخابات ہیں۔ترجمان تحریک انصاف کا کہنا ہے چوری شدہ مینڈیٹ واپس لینے کیلئے کل ملک بھر میں پرامن احتجاج کیا جائے گا۔
