بجلی صارفین پر فکسڈ چارجز لگانے کی تیاریاں،فیصلہ آج ہوگا
شیئر کریں
ملک بھرکے گھریلوبجلی صارفین اضافی بوجھ کیلئے ہوجائیں تیار،نیپراآج سماعت کرے گا
حکومتی درخواست پر پہلی بارماہانہ300یونٹ تک کے گھریلو صارفین پرفکسڈچارجزلگیں گے
ملک بھرکے کروڑوں گھریلوبجلی صارفین اضافی بوجھ کیلئے ہوجائیں تیار، گھریلوصارفین پرفکسڈچارجزکی حکومتی درخواست پر نیپراآج سماعت کرے گا، حکومت نے301 یونٹ سے زائد بجلی استعمال پر بنیادی ٹیرف میں کمی کی درخواست بھی کی ہے۔پروٹیکٹڈاورنان پروٹیکٹڈ گھریلوصارفین پرفکسڈ چارجزلگانے کی درخواست ہے، پہلی بارماہانہ300یونٹ تک کے گھریلو صارفین پرفکسڈچارجزلگیں گے، اس وقت ماہانہ300 یونٹ تک گھریلوصارفین پر فکسڈ چارجز لاگو نہیں ہیں۔ ماہانہ100یونٹ تک کے پروٹیکٹڈ گھریلوصارفین پر 200روپے فکسڈچارجز لگیں گے، ماہانہ200یونٹ تک کے پروٹیکٹڈ صارفین پر 300 روپے فکسڈچارجز لگانے کی درخواست ہے، ماہانہ100یونٹ تک کے نان پروٹیکٹڈ صارفین پر275 روپے ماہانہ فکسڈچارجز لگیں گے۔ ماہانہ200یونٹ تک کے نان پروٹیکڈ صارفین پر300روپے فکسڈ چارجز کی درخواست ہے، ماہانہ300یونٹ تک استعمال کے نان پروٹیکٹڈصارفین پر 350روپے فکسڈ چارجزلگیں گے ، ماہانہ 400یونٹ تک نان پروٹکٹڈ صارفین پرفسکڈ چارجز 200 روپے اضافے سے 400روپے ہوجائیں گے۔ ماہانہ500یونٹ کے نان پروٹیکٹد صارفین پر100روپے اضافے سے فکسڈچارجز 500روپے ہوجائیں گے، ماہانہ600یونٹ استعمال پرفکسڈ چارجز75روپے اضافے سے675روپے ہوجائیں گے ، ماہانہ700یونٹ تک پرفکسڈ چارجز 125روپے کمی سے 675روپے ہوجائیں گے۔ ماہانہ700یونٹ سے زائد پرفکسڈ چارجزمیں325روپے کمی سے675روپے ہو جائیں گے،ماہانہ301 سے400یونٹ تک کے گھریلوصارفین کیلئے ایک روپے 53پیسے کمی کی درخواست ہے، ماہانہ500یونٹ تک بجلی استعمال پرفی یونٹ میں ایک روپے 25 پیسے کمی ، ماہانہ 600یونٹ تک کے فی یونٹ پر ایک روپے40 پیسے کمی، ماہانہ 700یونٹ تک گھریلو صارفین کے لیے فی یونٹ میں91پیسے کمی کی درخواست ہے۔ ماہانہ700یونٹ سے زائدکے استعمال پر49پیسے فی یونٹ کمی ، کمرشل صارفین کے لیے ایک روپے 15پیسے فی یونٹ کمی ، صنعتی شعبے کے لیے فی یونٹ بجلی 5 روپے تک سستی کرنے کی درخواست ہے، پاور ڈویژن نے وفاقی کابینہ کی منظوری کے بعد درخواست نیپرا میں جمع کرارکھی ہے۔
