سرد ممالک سے نایاب آبی پرندوں کی آمد

ویب ڈیسک

جمعه, ۹ نومبر ۲۰۱۸

شیئر کریں

موسم کی تبدیلی کے ساتھ ہی ساحلی علاقوں میں سرد ترین ممالک سے نایاب آبی پرندوں کی آمد کا سلسلہ شروع ہو گیا ، ان آبی پرندوں کی آمد نے ساحلی علاقوں کی ویرانی کو رونقوں میں بدل دیا ۔ضلع بدین سمیت زیریں سندھ کے ساحلی علاقے آج کل خوبصورت رنگوں والے نایاب آبی پرندوں سے آباد ہیں، جو موسم کی تبدیلی کے ساتھ سرد ترین ممالک سے ہجرت کر کے روایتی طور پر یہاں آبسے ، ان آبی پرندوں میں کونج ، نیل ہنس، پین، چیکلا، ڈگوش، آڑی، لاکھا جانی اور دیگر اقسام کے پرندے شامل ہیں جو ساحلی پٹی کی جھیلوں اور سمندر کے پانی میں اٹھکیلیاں کرتے اور اڑانیں بھرتے دکھائی دیتے ہیں۔مقامی افراد کے مطابق کہ یہ آبی پرندے رنگ، نزاکت اور خوبصورتی کا امتزاج ہیں جن کا تحفظ متعلقہ اداروں اور علاقہ مکینوں کا فرض ہے۔