پی ٹی آئی جلسوں میں مذہبی حوالوں کا استعمال تشویشناک قرار

ویب ڈیسک

منگل, ۹ مئی ۲۰۲۳

شیئر کریں

متحدہ قومی موومنٹ (ایم کیو ایم)پاکستان کے کنوینر خالد مقبول صدیقی کا کہنا ہیکہ پاکستان تحریک انصاف کے جلسوں میں سیاسی مقاصد کیلئے مذہبی حوالوں کا استعمال تشویش ناک ہے۔ایک بیان میں خالد مقبول صدیقی نے کہا کہ سیاسی مقاصد کے لیے مذہب کا استعمال اور حساس اداروں پر بہتان تراشی سے اجتناب برتا جائے، ملک معاشی و سیاسی اعتبار سے انتہائی مشکل وقت سے گزر رہا ہے، انتہائی کڑے وقت میں اداروں پر بے بنیاد الزام تراشی ناقابل قبول ہے۔خالد مقبول صدیقی نے کہا کہ عمران خان حساس اداروں کے افسران پرکس ایجنڈے کے تحت الزام تراشیاں کر رہے ہیں؟۔ انہوںنے کہاکہ عمران خان سیاسی مقاصدکے لیے ملکی سلامتی کو خطرے میں ڈال رہے ہیں۔