وزیراعلیٰ بلوچستان کا محکمہ زکوٰۃ ختم کرنے کا اعلان

ویب ڈیسک

اتوار, ۹ مارچ ۲۰۲۵

شیئر کریں

محکمہ زکوٰۃ بلوچستان سالانہ 30 کروڑ روپے مستحقین میں تقسیم کرتا ہے
30 کروڑ کی تقسیم پر محکمے کے سالانہ 1ارب 60 کروڑ خرچ ہوتے ہیں

وزیراعلیٰ بلوچستان سرفراز بگٹی نے صوبائی محکمہ زکوٰۃ ختم کرنے کا اعلان کردیا۔کوئٹہ سے جاری ایک بیان میں وزیراعلیٰ بلوچستان نے کہا ہے کہ محکمہ زکوٰۃ بلوچستان سالانہ 30 کروڑ روپے مستحقین میں تقسیم کرتا ہے ۔ اس رقم کی تقسیم کے لیے محکمے کے سالانہ 1 ارب 60 کروڑ روپے خرچ ہوتے ہیں۔سرفراز بگٹی نے مزید کہا کہ 30 کروڑ روپے کی تقسیم کے لیے محکمہ زکوٰۃ کے پاس 80 گاڑیاں ہیں، گزشتہ 2 برس سے مستحقین میں زکوٰۃ کی رقم تقسیم نہیں کی گئی۔اُن کا کہنا تھا کہ 30 کروڑ روپے کی رقم ڈپٹی کمشنرز کے ذریعے غریبوں میں تقسیم کرائیں گے ۔