ملک میں ایل پی جی مافیا بھی سرگرم، فی کلو پر 50 روپے بڑھا دیے
شیئر کریں
ملک میں ایل پی جی مافیا بھی سرگرم، فی کلو پر 50 روپے اضافے کے بعد قیمت 255روپے تک پہنچ گئی۔چیئرمین ایل پی جی ایسوسی ایشن عرفان کھوکھر نے کہا کہ سوئی گیس کی بندش اور سردی کی آڑ میں ایل پی جی مافیا سرگرم ہے۔اوگرا نے ماہ جنوری کے لیے ایل پی جی کی قیمت 204 روپے فی کلو مقرر کی تھی، گھریلو سلینڈر کی قیمت 2411.43 روپے اور کمرشل سلینڈر 9278 روپے مقرر تھی۔چیئرمین ایل پی جی ایسوسی ایشن کا کہنا ہے کہ بلیک مارکیٹنگ مافیا نے ایل پی جی کی قیمت میں 50 روپے فی کلو اضافہ کر دیا، مارکیٹ میں ایل پی جی 250 سے 255 روپے فی کلو تک فروخت کی جا رہی ہے۔عرفان کھوکھر نے بتایا کہ اس وقت گھریلو سلنڈر 3000 روپے اور کمرشل سلنڈر 11350 روپے تک پہنچ گیا ہے اور آئندہ 24 گھنٹوں میں ایل پی جی کی قیمت میں مزید اضافے کا امکان ہے۔چیئرمین عرفان کھو کھر نے مزید کہا کہ مافیا کے خلاف ایکشن نہ لیا گیا تو احتجاج کریں گے۔
