جعلی ڈگریاں، پی آئی اے کے 117ملزمان کے اکاؤنٹس منجمد، 9 کروڑ روپے کی ریکوری
شیئر کریں
وفاقی تحقیقاتی ادارے (ایف آئی اے ) میں پاکستان ایئرلائنز (پی آئی اے ) ملزمان کی جعلی ڈگریوں کے کیس میں اہم پیش رفت ہوئی ہے۔ ایف آئی اے کرائم سرکل نے دھوکا دہی، ریکارڈ میں رد و بدل کے الزام میں پی آئی اے 117 ملزمان کے اکاؤنٹس منجمد کر دیے۔ ایف آئی ذرائع کے مطابق ایف آئی اے نے پی آئی اے کے جعلی ڈگری پر ملازمت کرنے والے 117 ملامین کے خلاف مقدمہ درج کر رکھا ہے اور اب جعلی ڈگریاں رکھنے والے ملزمان کے اکاؤنٹس منجمد کرکے 9 کروڑ روپے روپے کی ریکوری کر لی ہے۔ پی آئی اے میں جعلی ڈگریوں والے ملازمین کے خلاف ایف آئی اے نے چالان تیار کر لیا ۔ ایف آئی اے پی آئی اے ملازمین کے خلاف تحقیقاتی رپورٹ جلد عدالت میں جمع کرائے گا۔ ذرائع ایف آئی اے کے مطابق پی آئی اے میں جعلی ڈگریوں پر ملازمت حاصل کرنے والوں میں اسسٹنٹ، اور سپروائزر عہدے کے ملازمین شامل ہیں۔ جعلی ڈگریوں پر ملازمت دینے پر ریکروٹمنٹ بورڈ کے اعلی پی آئی اے افسران شامل ہیں۔
