پی ٹی آئی نے انٹرا پارٹی الیکشن دوبارہ کرانے کا فیصلہ چیلنج کردیا

ویب ڈیسک

جمعه, ۸ دسمبر ۲۰۲۳

شیئر کریں

تحریک انصاف نے الیکشن کمیشن کا دوبارہ انٹرا پارٹی الیکشن کرانے کا فیصلہ لاہور ہائی کورٹ میں چیلنج کردیا۔ اس حوالے سے آئینی درخواست پی ٹی آئی اور سابق چیئرمین عمران خان کی جانب سے دائر کی گئی ہے، درخواست میں الیکشن کمیشن کو فریق بنایا گیا ہے۔درخواست میں کہا گیا ہے کہ گزشتہ برس دس جون کو قانون اور آئین کے مطابق انٹرا پارٹی الیکشن کرائے، الیکشن کمیشن نے بیس دن کے اندر دوبارہ انٹرا پارٹی الیکشن کرانے کا غیر قانونی حکم پاس کیا، الیکشن کمیشن کا حکم غیر قانونی اور آئین کے بھی منافی ہے۔درخواست میں کہا گیا ہے کہ لاہور ہائی کورٹ الیکشن کمیشن کا دوبارہ انٹرا پارٹی الیکشن کرانے کا حکم کالعدم قرار دے، عدالت دس جون 2022ء کو کرائے گئے انٹرا پارٹی الیکشن کو درست قرار دے۔