رواں سال ،پہلے 7 ماہ، قرض میں 7.2 ٹریلین روپے کا اضافہ
شیئر کریں
اتحادی حکومت نے رواں مالی سال کے صرف پہلے سات مہینوں میں قرض میں خالص 7.2 ٹریلین روپے کا اضافہ کیا، اوسطاً یومیہ 34 ارب روپے۔اسٹیٹ بینک آف پاکستان نے منگل کو مرکزی حکومت کا جنوری 2023 تک کے قرضوں کا بلیٹن جاری کیا، جس میں وفاقی حکومت کے قرضوں پر کرنسی کی قدر میں زبردست کمی کے منفی اثرات کو ظاہر کیا گیا ہے۔اسٹیٹ بینک کے مطابق وفاقی حکومت کا قرض جنوری کے آخر تک بڑھ کر تقریباً 55 ٹریلین روپے تک پہنچ گیا ، اس مالی سال کے جولائی 2022 سے جنوری 2023 کے دوران 7.2 ٹریلین روپے کا اضافہ ہوا اس عرصے کے دوران قرضوں کا بوجھ 15 فیصد کی رفتار سے بڑھ گیا، جو پاکستان جیسے ملک کے لیے ناقابل برداشت ہے۔یہ پیشرفت اس انکشاف کے درمیان سامنے آئی ہے کہ خالص وفاقی آمدنی اب کل سود کے اخراجات سے 200 ارب سے 400 ارب روپے کم ہے۔رواں مالی سال کے لیے خالص وفاقی آمدنی کا تخمینہ 5 ٹریلین روپے ہے جبکہ کابینہ نے گزشتہ ماہ جون میں ختم ہونے والے مالی سال 2022-23 کے لیے 5.2 ٹریلین روپے کے نظرثانی شدہ سود کے اخراجات کے بل کی منظوری دی تھی۔پی ڈی ایم کی حکومت نے اس عرصے کے دوران قرضوں کے بوجھ میں یومیہ اوسطاً 34 ارب روپے کا اضافہ کیا۔ یہ اضافہ بجٹ خسارے کی فنانسنگ سے زیادہ کرنسی کی قدر میں کمی کی وجہ سے ہوا۔مرکزی بینک کے مطابق مالی سال 2022 کے ا?خری دن اوسط زر مبادلہ کی شرح 204.4 روپے تھی جو صرف 7ماہ میں 31 فیصد کم ہوئی اور 31 جنوری کو ایک ڈالر کے مقابلے میں 267.9 روپے پر بند ہوئی۔ اس کا حکومت کے بیرونی قرضوں کے حساب کتاب پر بہت بڑا اثر پڑا۔وفاقی حکومت کا بیرونی قرضہ 7ماہ میں 23.5 فیصد کی خطرناک رفتار سے بڑھ کر 20.7 ٹریلین روپے تک پہنچ گیا۔
