ڈی آئی خان میں پولیس کی گاڑی کے قریب دھماکہ، ٹانک میں فائرنگ،2 اہلکار شہید، 6 زخمی
شیئر کریں
ڈیرہ اسماعیل خان میں پولیس کی گاڑی کے قریب دھماکے اور ٹانک میں سیکورٹی فورسسز کی گاڑی پر فائرنگ کے دو مختلف واقعات میں 2اہلکار شہید اور6زخمی ہوگئے۔پولیس کے مطابق ڈیرہ اسماعیل خان کی تحصیل کلاچی میں گرہ اسلم کے مقام پر پولیس کی گاڑی کے قریب دھماکا ہوا، جس میں ایک پولیس اہلکار شہید جبکہ 6زخمی ہوگئے۔امدادی ٹیموں نے نعش کو پوسٹمارٹم اور زخمیوں کو علاج کیلئے ہسپتال منتقل کردیا ہے۔ اس سے قبل ضلع ٹانک کے علاقہ کوٹ اعظم میں سیکورٹی فورسسز کی گاڑی پرحملے میں ایک اہلکار شہید ہوگیا۔ سیکورٹی فورسز کی گاڑی الیکشن کی ڈیوٹی پر سیکورٹی دے رہی تھی۔جس دوران اہلکاروں کی گاڑی کو نشانہ بنایا گیا۔واضح رہے کہ حکومت کی جانب سے سکیورٹی خدشات کے پیش نظر ملک بھر میں موبائل اور انٹرنیٹ سروس بند کردیا گیا۔ وزارت داخلہ نے اپنے بیان میں کہا کہ دہشتگردی کے حالیہ واقعات کے نتیجے میں قیمتی جانوں کاضیاع ہوا، قیام امن،ممکنہ خطرات سے نمٹنے کیلئے حفاظتی انتظامات ناگزیر ہیں۔
