وزیر اعظم عمران خان کا لیجنڈری لیگ اسپنر عبدالقادر کو خراج عقیدت

ویب ڈیسک

هفته, ۷ ستمبر ۲۰۱۹

شیئر کریں

وزیراعظم عمران خان نے کہا ہے کہ عبدالقادر ایک جینئس اور عظیم لیگ سپنرز میں سے ایک تھے ،ٹیم کواپنے مزاح اورذہانت سے محظوظ کرتے تھے ۔ ٹویٹر پر اپنے پیغام میں انہوں نے کہا کہ عبدلقادر کی وفات کا سن کر بہت افسوس ہوا،میں ان کے اہل خانہ سے دلی تعزیت کرتا ہوں، عبدالقادر ایک جینئس اور عظیم لیگ سپنرز میں سے ایک تھے ،وہ ڈریسنگ روم کی جان تھے اور اپنے مزاح اور ذہانت سے کھلاڑیوں کومحظوظ کرتے تھے ،عبدالقادر کے بالنگ کے اعدادو شمار ان کے ٹیلنٹ سے مکمل طور پر انصاف نہیں کرتے ہیں ،اگر وہ آج کے دور میں ڈی آر ایس کے قانون کے ساتھ کرکٹ کھیل رہے ہوتے جب امپائر بلے بازوں کو فرنٹ فٹ پر کھیلنے کے باوجود ایل بی ڈبلیوآئوٹ قرار دے دیتے ہیں تو ان کی وکٹیں عظیم لیگ اسپنر شین وارن کے برابر ہوتیں۔