منی لانڈرنگ کے سدباب کے لیے نیشنل ٹاسک فورس کا اجلاس
شیئر کریں
منی لانڈرنگ کے سدباب کے لئے نیشنل ٹاسک فورس کا اجلاس ہوا، اجلاس میں صوبائی ٹاسک فورس اور بارڈر ٹاسک فورس سے ماہانہ کارکردگی کی تفصیلات طلب کی گئیں۔تفصیلات کے لئے وزارت داخلہ کا مختلف اسٹیک ہولڈرز کو مراسلہ ارسال کیا گیا ہے ، مراسلہ میں مختلف کالمز پر مبنی مخصوص فارم کے ذریعے تفصیلات فراہمی کی ہدایات کی گئی ہیں۔ماہانہ بنیادوں پر پکڑی یا ضبط کی گئی کرنسی، آئٹمز اور ان کی مالیت کی تفصیلات بھی مانگی گئی ہیں، مراسلہ میں مزید کہا گیا ہے کہ پی ٹی ایف، بی ٹی ایف کی کارروائیوں اور کیسزکی تعداد بھی فراہم کی جائیں۔اس کے علاوہ گرفتار ملزمان کی تعداد اور سزاؤں کی تفصیلات بھی درکار ہیں، یہ مراسلہ ایف آئی اے ، ڈی جی اے ایس ایف اور ڈی جی آئی ایس آئی کو ارسال کیا گیا ہے ۔اس کے علاوہ ممبرکسٹمز، ڈی جی فنانشل مانیٹرنگ یونٹ اسٹیٹ بینک اور گورنراسٹیٹ بینک، چاروں صوبوں، آزادکشمیر، گلگت بلتستان کے ہوم سیکرٹریز کو بھی کو بھی مراسلہ بھیجا گیا ہے ۔مذکورہ مراسلہ ڈی جی آئی بی، چیئرمین ایس ای سی پی، ایڈیشنل سیکرٹری وزارت خزانہ کو ارسال کیا گیا ہے ۔
