بھارت کا پاکستان کے 5 مقامات پر میزائلوں سے حملہ
شیئر کریں
رات کی تاریکی میں احمد پورشرقیہ، کوٹلی، مظفرآباد، باغ، مریدکے میں حملہ کیا گیا،
بھارت نے اپنی فضائی حدود سے حملہ کیا، بھارت کے بزدلانہ حملے کا بھرپور جواب دیا جارہا ہے ،
بہاولپور میں دھماکے سے قبل آسمان پر تیز روشنی چھا گئی
ڈی جی آئی ایس پی آر کے مطابق بھارت نے پاکستان میں 5 مقامات پر میزائل داغے ہیں جس کے نتیجے میں کوٹلی میں 2 شہری شہید جبکہ 12 افراد زخمی ہوگئے ۔ڈی جی آئی ایس پی آر کا کہنا ہے کہ رات کی تاریکی میں احمد پورشرقیہ، کوٹلی، مظفرآباد، باغ، مریدکے میں حملہ کیا گیا۔ڈی جی آئی ایس پی آر کے مطابق بھارت نے اپنی فضائی حدود سے حملہ کیا، بھارت کے بزدلانہ حملے کا بھرپور جواب دیا جارہا ہے ، بہاولپور میں دھماکے سے قبل آسمان پر تیز روشنی چھا گئی۔ابتدائی اطلاعات کے مطابق پاکستان نے بھرپور جواب دیتے ہوئے دشمن کے دو طیارے گرادیے ہیں۔ ذرائع کا کہنا ہے کہ مظفرآباد میں دھماکے کی آواز سنی گئی ہے جبکہ بہاولپور میں بھی دھماکے کی آواز سنی گئی، ذرائع کے مطابق مظفرآباد میں مکمل بلیک آؤٹ ہے ۔ڈی جی آئی ایس پی آر نے مزید بتایا کہ بھارت نے بہاولپور میں مسجد سبحان اللہ کو بھی ٹارگٹ کیا، بزدلانہ حملے میں مسجد میں سویلینز کو نشانہ بنایا گیا، پاکستان کی طرف سے جوابی کارروائی شروع ہوچکی ہے ، پاکستان کا وقت کا تعین کرکے بھرپور جواب دے گا۔
