کراچی پولیس الیکشن ڈیوٹی میں مصروف ،متعدد شاہراہوں پر ٹریفک جام

ویب ڈیسک

بدھ, ۷ فروری ۲۰۲۴

شیئر کریں

کراچی کی متعدد شاہراہوں پر ٹریفک جام ہونے سے شہریوں کو پریشانی کا سامنا ہے۔ذرائع کے مطابق آئی آئی چندریگر روڈ، آئی سی آئی، گلبائی ، شیرشاہ پراچہ چوک پر شدید ٹریفک جام ہوگیا۔اس کے علاوہ شیرشاہ سے غنی چورنگی جانے والی سڑک پر بھی ٹریفک کی روانی معطل ہوگئی۔ٹریفک پولیس کا کہنا ہے کہ ہیوی ٹریفک کی وجہ سے ٹریفک کی روانی متاثر ہوئی ہے، ہمارے پاس ہیوی ٹریفک کی پیشگی اطلاعات نہیں تھی۔ٹریفک پولیس کے مطابق الیکشن کی وجہ سے نفری کی کمی کا سامنا ہے، کوشش کر رہے ہیں ٹریفک بحال کریں۔واضح رہے کہ ملک میں عام انتخابات کیلئے ووٹنگ کل 8 فروری بروز جمعرات کو صبح 8 بجے شروع ہوگی۔