خودکشی یا قتل،پیپلز پارٹی کے عہدیدار کی گھر سے لاش برآمد

ویب ڈیسک

هفته, ۶ جولائی ۲۰۲۴

شیئر کریں

پیپلز پارٹی کے عہدیدار کی گھر سے لاش برآمد ہوئی، پولیس کا کہنا ہے کہ ابتدائی تحقیقات معاملہ خودکشی کا لگتا ہے۔تفصیلات کے مطابق کراچی کے علاقے مومن آباد میں پیپلز پارٹی کے عہدیدار کی گھر سے لاش برآمد ہوئی ، پولیس حکام نے بتایا کہ ابتدائی تحقیقات کے مطابق علی شیر نے خودکشی کی، کرائم سین سے پستول اور خول بھی برآمد ہوا۔حکام کا کہنا تھا کہ مالی تنازعات کے باعث میاں بیوی میں جھگڑا چل رہا تھا، جھگڑے کے بعد علی شیر کمرے میں گیااور گولی کی آواز آئی۔پولیس نے مزید بتایا کہ گھر کے اندر بھابھی نے اس کا اسلحہ اٹھایا اور چھپا دیا کیونکہ گھر والوں کو ڈر تھا کہ ان پر کوئی کیس نہ بن جائے۔