نیب کیخلاف بیانیہ بنا کر اقتدار میں آنے والوں نے نیب کو ہی ہتھیار بنا لیا: شیخ رشید
شیئر کریں
سربراہ عوامی مسلم لیگ شیخ رشید نے کہا ہے کہ نیب کے خلاف بیانیہ بنا کے اقتدار میں آنے والوں نے نیب کو ہی اپنا ہتھیار بنا لیا۔سماجی رابطوں کی ویب سائٹ ٹوئٹر پر پیغام جاری کرتے ہوئے سابق وفاقی وزیر داخلہ شیخ رشید نے کہا ہے کہ حکومت نے صدر کے حج پر جانے کا بھی پورا فائدہ اٹھایا، یہ اپنے سیاسی مخالفین کو کچلنے کے لیے رات کی تاریکی میں ہمیشہ کالیقانون بناتے ہیں بعد میں خود اس میں پھنس جاتے ہیں۔انہوں نے کہا ہے کہ قومی اسمبلی کا اجلاس چل رہا تھا اسے نیب کے کالے قانون کے مقاصد کے لیے ختم کیا گیا اور رات کے اندھیرے میں کالا قانون ٹھونس دیا گیا، جو گھڑھا کسی کے لیے کھود رہے ہیں بلاآخر ایک دن یہ اس میں خود گریں گے، نیب کا کیس سپریم کورٹ میں ہے، امید ہے اس کا فیصلہ بھی جلد آجائے گا۔سربراہ عوامی مسلم لیگ نے کہا ہے کہ ا?ئی ایم ایف ڈیل کا مطلب یہ نہیں کہ خطرہ ٹل گیا، عوام کے لیے ریلیف نہیں تکلیف ہی تکلیف ہے، ایک ہفتہ ڈالر گرایا جائے گا پھر اپنی اصلیت پر لایا جائے گا، جب بجلی اور گیس بڑھے گی تو مہنگائی مزید بڑھے گی۔
