مصطفی عامر کیس کے مرکزی ملزم ،ارمغان کی نگرانی سخت، سیل میں کیمرے نصب
شیئر کریں
لاک اپ میں لگے کیمروں کو اعلیٰ افسران براہ راست مانیٹر کر رہے ہیں
ملزم ارمغان کے سیل کے باہر ہر وقت ایک اہلکار تعینات رہے گا، ذرائع
کراچی میں مصطفی عامر اغواء و قتل کیس کے مرکزی ملزم ارمغان کی نگرانی سخت کر دی گئی۔پولیس ذرائع کے مطابق ملزم ارمغان کے سیل میں چار کیمرے لگادیے گئے ۔ لاک اپ میں لگے کیمروں کو اعلیٰ افسران براہ راست مانیٹر کر رہے ہیں۔ ملزم ارمغان کے سیل کے باہر ہر وقت ایک اہلکار تعینات رہے گا۔قومی اسمبلی کی قائمہ کمیٹی برائے داخلہ کا خصوصی اجلاس کراچی میں طلب کرلیا گیا۔جس میں مصطفی عامر قتل کیس کی اب تک کی تفتیش پر پولیس حکام بریفنگ دیں گے قومی اسمبلی کی قائمہ کمیٹی برائے داخلہ کا اجلاس سات فروری جمعہ کو ڈھائی بجے کراچی میں ہوگا ۔۔جس کی صدارت قائمہ کمیٹی کے چئیرمین قادر پٹیل کریں گے ۔ اجلاس میں مصطفی عامر قتل کیس کی اب تک کی تفتیش پر پولیس حکام بریفنگ دیں گے۔
