ٹرمپ کا مواخذہ، وائٹ ہائوس کو دستاویزات کیلئے 18اکتوبر کی ڈیڈلائن
شیئر کریں
امریکی صدر ڈونلڈ ٹرمپ کے مواخذے کے حوالہ سے ڈیموکریٹس کی کمیٹی نے وائٹ ہائوس کو دستاویزات جمع کروانے کے لئے 18اکتوبر کی ڈیڈلائن دے دی۔ڈیموکریٹس نے نائب صدر مائیک پنس سے بھی یوکرائن اسکینڈل پر دستاویزات طلب کر لی ہیں۔ جبکہ امریکی صدر نے اعتراف کیا ہے کہ ایوان نمائندگان ان کا مواخذہ کر سکتی ہے تاہم سینیٹ میں تحریک ناکام بنادی جائے گی۔ڈیموکریٹس کی کمیٹی کے سربراہ نے وائٹ ہائوس کے قائمقام چیف آف اسٹاف کو خط لکھ دیا ہے جس میں ڈونلڈ ٹرمپ پر الزامات سے جڑی تمام دستاویزات طلب کر لی ہیں۔ڈونلڈٹرمپ پر الزام ہے کہ انہوں نے سیاسی حریف کے خلاف معلومات کے لئے یوکرائن پر دبائوڈالا۔ وائٹ ہائوس ڈیموکریٹس کو جواب دینے سے تاحال گریز کر رہا ہے ۔چیئرمین ڈیموکریٹس کمیٹی کا کہنا تھا کہ ڈونلڈ ٹرمپ تحقیقات میں رکاوٹ ڈال رہے ہیں ، تاخیری حربے استعمال کر رہے ہیں اور معاملات کی پردہ پوشی کر رہے ہیں۔
