پیپلز بس کے کرائے کی ادائیگی کے لیے اسمارٹ کارڈ متعارف
ویب ڈیسک
اتوار, ۵ مئی ۲۰۲۴
شیئر کریں
کراچی میں پیپلزبس سروس کے کرائے کی ادائیگی کے لیے اسمارٹ کارڈ متعارف کروا دیا گیا ۔ کراچی میں پیپلز بس سروس کے مسافروں کیلئے سفر مزید آسان ہوگیا۔ شہری اب کرائے کی ادائیگی اسمارٹ کارڈ کے ذریعے کریں گے ۔ سندھ حکومت نے آٹومیٹڈ فیئر کلیکشن سسٹم متعارف کرادیا۔ وزیراعلیٰ سندھ مرادعلی شاہ نے اقدام کو بڑی کامیابی قرار دیتے ہوئے ملکی مواصلاتی نظام کو نئی منزلوں سے ہمکنار کرنے کا دعویٰ کردیا۔ تقریب سے خطاب میں وزیر ٹرانسپورٹ سندھ شرجیل میمن نے عوام کو مزید سہولیات دینے کا وعدہ دہرادیا۔ ٹرانسپورٹ ڈیپارٹمنٹ میں بہترین کارکردگی پر وزیر اعلیٰ سندھ مراد علی شاہ نے سینئر صوبائی وزیر شرجیل انعام میمن کو ایوارڈ سے بھی نوازا۔
