پیپلزپارٹی انتخابی کیمپ پر دستی بموں سے حملہ، 3زخمی

ویب ڈیسک

پیر, ۵ فروری ۲۰۲۴

شیئر کریں

حب اور مستونگ میں پیپلز پارٹی کے انتخابی کیمپ پر دستی بموں سے حملہ کیا گیا، جس میں تین راہ گیر زخمی ہوگئے۔سیکیورٹی گارڈز کی فائرنگ کے بعد حملہ آور فرار ہوگئے۔پولیس کے مطابق حب کے علاقے باب بلوچستان میں پیپلز پارٹی کے انتخابی کیمپ کے قریب دستی بم سے حملہ ہوا۔ جس میں تین راہ گیر زخمی ہوگئے، جنہیں اسپتال منتقل کر دیا گیا۔۔دوسری جانب مستونگ میں بھی پیپلز پارٹی کے انتخابی کیمپ پر دستی بم سے حملہ ہوا، تاہم کوئی جانی نقصان نہیں ہوا۔