وزیراعظم نے آئندہ ہفتے کابینہ میں توسیع کا فیصلہ کر لیا

ویب ڈیسک

اتوار, ۵ جنوری ۲۰۲۵

شیئر کریں

وزیراعظم شہباز شریف نے کابینہ میں توسیع کا فیصلہ کر لیا،کابینہ میں توسیع آئندہ ہفتے کی جائے گی۔ذرائع کے مطابق حنیف عباسی، طارق فضل چوہدری، پیر عمران شاہ، ڈاکٹر توقیر شاہ، طلال چوہدری اور دیگر کو کابینہ میں شامل کیے جانے کا امکان ہے ۔ذرائع کے مطابق وفاقی کابینہ میں توسیع اور رد و بدل کے سلسلے میں وزیر اعظم شہباز شریف نے ضروری صلاح مشورے مکمل کرلیے ہیں۔ ذرائع کے مطابق وفاقی کابینہ کے نئے وزراء سے 9یا 10جنوری کو حلف لیے جانے کا امکان ہے ۔ذرائع نے بتایا کہ وفاقی کابینہ کے اہم قلمدانوں میں زیادہ رد و بدل کی توقع نہیں تاہم 4سے 5وزرائے مملکت کو ذمے داریاں سوپنے جانے کا امکان ہے ۔واضح رہے کہ وفاقی کابینہ فی الوقت 18ارکان پر مشتمل ہے جبکہ حکومت کے قلمدانوں کی مجموعی تعداد 33ہے ، 2وزرائے مملکت، 3خصوصی معاونین اور 1 مشیر وفاقی حکومت کا حصہ ہیں۔