عالمی برادری کو مقبوضہ کشمیر میں بھارتی مظالم سے آگاہ کیا جا رہا ہے ،شاہ محمود

ویب ڈیسک

بدھ, ۴ ستمبر ۲۰۱۹

شیئر کریں

وزیر خارجہ شاہ محمود قریشی نے کہا ہے کہ کشمیر کی صورتحال پر روزانہ دو چار وزرائے خارجہ سے رابطہ ہوتا ہے ، عالمی برادری کو مقبوضہ کشمیر میں بھارتی مظالم سے آگاہ کیا جا رہا ہے ۔ انہوں نے سماجی رابطے کی ویب سائٹ پر ٹویٹ کرتے ہوئے کہا کہ مقبوضہ کشمیر کے سنگین انسانی بحران نے عالمی توجہ حاصل کرلی ، یورپی یونین پارلیمنٹ نے مقبوضہ کشمیر میں کرفیو ختم کرنے کا مطالبہ کیا، مقبوضہ کشمیر کی صورتحال تشویشناک ہے ، مسلسل کرفیو سے انسانی بحران میں اضافہ ہو رہا ہے ، دنیا کو باخبر رکھنا چاہتے ہیں، کشمیریوں کے حقوق کیلئے جدوجہد کرتے رہیں گے ۔