لیاری گینگ وار کارندوں کی فائرنگ ، سبزی فروش جاں بحق
شیئر کریں
پاک کالونی پرانا گولیما ر میں لیاری گینگ وار کارندوں کی فائرنگ سے سبزی فروش جاں بحق اور ایک شخص زخمی ہوگیا ، جبکہ شہر میں ڈاکو ؤں کی فائرنگ سے تین شہری زخمی ہوگئے ، مذکورہ واقعات منگل کی شب آدھے گھنٹے کے دوران پیش آئے۔ تفصیلات کے مطابق منگل کی شب پاک کالونی کے علاقے پرانا گولیمار شیریں بیکری والی گلی میں موٹرسائیکل سوار ملزمان اندھا دھند فائرنگ کرتے ہوئے فرارہوگئے جس کے نتیجے میں ایک شخص جاں بحق اور ایک شدید زخمی ہوگیا ، علاقے میں خوف وہراس پھیل گیا اس اطلاع پرپولیس ،رینجرز اور ریسکیو عملہ موقع پر پہنچ گیا ، پولیس نے لاش اور زخمی کو ایمبولنس میں سول اسپتال منتقل کیا ، ایس ایچ اورحمت اللہ کے مطابق اسپتال میں مقتول کی شناخت 55سالہ یوسف ولد عبدالجبار کے نام سے ہوئی ،جبکہ مضروب کی شناخت 35سالہ سکندرولد محمد بخش کے نام سے ہوئی ، پولیس کے مطابق مقتول آلو اور پیاز کی ریڑھی لگاتا ہے، ایس ایچ او کے مطابق پولیس کو شبہ ہے زخمی ہونے والا سکندرریڑھی والے کے پاس کھڑا تھا اس ہی دوران موٹرسائیکل سوار ملزمان نے ریڑھی پر فائرنگ کی جس کے نتیجے سکندر زخمی اور فائرنگ کی زد میں آکر محنت کش جاں بحق ہوگیا ، پولیس کے مطابق مذکورہ واقعے میںلیاری گینگ وار کے دو گروپ میں ملوث ہے جن کے درمیان اکثر فائرنگ کے و اقعات ہوتے ہیں تاہم پولیس واقعے کی مزید تفتیش کررہی ہے۔سولجر بازار کے علاقے گارڈجماعت خانہ کے قریب نامعلوم ملزمان نے لوٹ مار کے دوران مزاحمت پر فائرنگ کرکے 52سالہ ارشد ولدغلام محمد زخمی ہوگیا اس اطلاع پر پولیس بھی موقع پر پہنچ گئی ، پولیس ترجمان کے مطابق پولیس اور ملزمان کے درمیان فائرنگ کا تبادلہ ہوا لیکن ملزمان یجوم کا فائدہ اٹھاتے ہوئے فرار ہوگئے جبکہ زخمی کو سول اسپتال منتقل کیا گیا ، زمان ٹاون کے علاقے کوسٹ گارڈ چورنگی کے قریب ڈاکو وں خی فائرنگ سے 38سالہ طاہر حسین زخمی ہوا جس کو جناح اسپتال منتقل کیا گیا ،جبکہ گلشن معمار کے علاقے اللہ بخش گوٹھ میں ڈاکو وں کی فائرنگ سے 25سالہ عمر سعید زخمی ہوگیا جس کو عباسی شہید اسپتال میں طبی امداد دی جارہی ہے۔
