نواز شریف کے سہولت کار سْن لیں دھاندلی برداشت نہیں کرینگے، بلاول بھٹو
شیئر کریں
پاکستان پیپلزپارٹی کے چیئرمین بلاول بھٹو زرداری نے دعویٰ کیا ہے کہ نواز شریف نے دھاندلی کے لیے نگراں حکومت کے عہدیداران سے فارم 45 اور فارم 47 رائیونڈ بھیجنے کا مطالبہ کیا ہے، سہولت کار سْن لیں اگر چوتھی بار اس کو وزیراعظم بنایا گیا تو دھاندلی برداشت نہیں کریں گے۔ ترازو اور کتاب والے مذہب جبکہ پتنگ والے لسانی بنیادوں پر نفرت اور تقسیم کی سیاست کررہے ہیں، حکومت ملنے کے بعد پی ڈی ایم والے آئی جے آئی اور پی این اے بنے گئے جس کامیں حصہ نہیں بن سکتا۔ نواز شریف خود کو چوتھی بار وزیر اعظم مسلط کرنا چاہتے ہیں، نگراں حکومت ن لیگ نے بٹھائی ہوئی ہے، اقتدار میں آکر 17 غیر ضروری وزارتوں اور اشرافیہ کو دی جانے والی 1500 ارب روپے کی سبسڈیز کو ختم کر کے یہ پیسہ بچا کر ترقیاتی منصوبوں اور عوام پر خرچ کریں گے، پاک ایران گیس پائپ لائن کے خواب کو پورا کریں گے۔ جیکب آباداورمیر پور خاص میںجلسے سے خطاب کرتے ہوئے بلاول بھٹو نے کہا کہ ’میں پاکستان کے عوام سے ووٹ مانگ رہا ہوں جبکہ دوسرے سیاست دان ادھر اْدھر دیکھ رہے ہیں، میں نے خیبرپختونخوا، پنجاب اور جنوبی پنجاب کے دورے کیے، یہ سارے علاقے ن لیگ کے ہاتھ سے نکل چکے ہیں اس لیے اب سارا ٹبر لاہور میں اپنا گھر بچانے کی کوشش کررہا ہے‘۔بلاول بھٹو نے کہا کہ باقی سیاسی جماعتیں ذاتی انتقام لے رہی ہیں، جو میاں صاحب اپنے آپ کو چوتھی بار مسلط کرنا چاہ رہا ہے اْس کو وفاق، عوام اور جمہوریت کی نہیں بس اپنی کرسی کی فکر ہے‘۔
