لیاری سنگولین میں فائرنگ سے گینگ وار کارندہ ہلاک

ویب ڈیسک

منگل, ۳ دسمبر ۲۰۱۹

شیئر کریں

شہر قائد کے علاقے لیاری میں فائرنگ سے گینگ وار کا ایک کارندہ مارا گیا۔واقعے کے بعد علاقے میں خوف و ہراس پھیل گیا، ملزمان باآسانی فرار ہونے میں کامیاب ہو گئے ۔نجی ٹی وی کے مطابق لیاری سنگولین کے قریب رات کے وقت فائرنگ سے ایک شخص ہلاک ہوا تھا، جس کے بارے میں معلوم ہوا ہے کہ وہ گینگ وار کا کارندہ ہے ۔پولیس کا کہنا ہے کہ فائرنگ سے ہلاک معراج کا تعلق عزیر بلوچ گروپ سے تھا، معراج کے گروپ اور مخالف گروپ زبیر چھوٹو کے کارندوں کے درمیان رات کو فائرنگ ہوئی تھی جس کے نتیجے میں معراج ہلاک ہوا۔پولیس کا کہنا تھا کہ معراج کی ہلاکت گینگ وار کا نتیجہ ہے ، فائرنگ کے تبادلے میں گولیاں لگنے سے معراج ہلاک ہوا۔