منشیات برآمدگی کیس، ساحر حسن کی ضمانت منظور،10لاکھ کے مچلکے جمع کرانے کا حکم
شیئر کریں
ساحر حسن کے خلاف جوڈیشل مجسٹریٹ کی عدالت میں مقدمے کا عبوری چالان پیش کیا گیا
ملزم نے منشیات کی فروخت شدہ رقم والد کے منیجر کے اکاؤنٹ میں منگوانے کا اعتراف کیا تھا
سندھ ہائیکورٹ کے آئینی بینچ نے منشیات برآمدگی کیس میں ملزم ساحر حسن کی درخواست ضمانت منظور کرلی۔ عدالت نے ملزم ساحر کو 10 لاکھ روپے کے مچلکے جمع کروانے کا حکم دیا ہے ۔اس سے قبل گزشتہ ماہ ملزم ساحر حسن کے خلاف منشیات برآمدگی کیس میں جوڈیشل مجسٹریٹ کراچی جنوبی کی عدالت میں تفتیشی افسر نے مقدمے کا عبوری چالان پیش کیا تھا۔چالان کے متن میں تحریر کیا گیا تھا کہ ملزم نے منشیات کی فروخت شدہ رقم والد کے منیجر کے اکاؤنٹ میں منگوانے کا اعتراف کرلیا۔عبوری چالان کے مطابق ملزم کے والد کے منیجر کو اپنی صفائی پیش کرنے کا موقع دیا، منیجر کو بینک اسٹیٹمنٹ اور بیگناہی کے شواہد پیش کرنے کی ہدایت کی گئی۔ منیجر نے تاحال اپنی بیگناہی کے شواہد اور بینک اسٹیٹمنٹ جمع نہیں کروائے ۔واضح رہے کہ ساحر حسن اداکار ساجد حسن کے بیٹے ہیں۔
