پاکستان اور نیوزی لینڈ الیون کے مابین ون ڈے پریکٹس میچ آج کھیلا جائے گا
شیئر کریں
نیلسن(اسپورٹس ڈیسک)پاکستان کر کٹ ٹیم نے نیوزی لینڈ کے خلاف سیریز سے قبل ہتھیار تیز کرنا شروع کر دیے۔پاکستان اور نیوزی لینڈ الیون کے مابین ون ڈے پریکٹس میچ آج کھیلا جائے گا، نیلسن میں کھلاڑیوں نے کوچز کی زیرنگرانی بیٹنگ،باؤلنگ اور فیلڈنگ کی بھرپورٹریننگ کی، مکی آرتھر ،بیٹنگ کوچ گرانٹ فلاور اور اظہرمحمود نے تین نیٹ لگا کربیٹسمینوں اور باؤلرز کو پریکٹس کرائی، لیگ سپنرشاداب خان نے بھی ٹیم کوجوائن کرلیا ہے۔ ٹریننگ کا آغاز میدان میں رننگ کے ساتھ کیاگیا۔ بیٹسمینوں نے ڈیڑھ گھنٹے سے زائد بیٹنگ اورفاسٹ باؤلرزنے باؤلنگ پریکٹس کی۔ فیلڈنگ کوچ سٹیورکسن نے کھلاڑیوں کوکیچز،رننگ،فیلڈنگ اورتھروکرانے کی مشقیں کرائیں۔ ٹریننگ سیشن میں تمام کھلاڑی مکمل فٹ اورعمدہ کارکردگی کے لیے پرعزم دکھائی دیے ، قومی ٹیم دورے کی شروعات کل شیڈول ون ڈے پریکٹس میچ سے کرے گی، یہ مقابلہ نیلسن کے سیکسٹون اوول گراؤنڈ میں شیڈول کیاگیا ہے ،جس کے بعدون ڈے سیریز کا افتتاحی ٹاکرا 6 جنوری کو ویلنگٹن کے بیسن ریزرو گراؤنڈ میں ہوگا۔
