عمر ایوب اور فیصل امین کی 21 دسمبر تک راہداری ضمانت منظور

Author One

پیر, ۲ دسمبر ۲۰۲۴

شیئر کریں

پشاور : پشاور ہائیکورٹ نے پی ٹی آئی رہنماں عمر ایوب اور فیصل امین کی 21 دسمبر تک راہداری ضمانت منظور کرلی-

ہائیکورٹ میں اپوزیشن لیڈر قومی اسمبلی عمر ایوب اور ممبر قومی اسمبلی فیصل امین کی راہداری ضمانت کی درخواستوں پر سماعت ہوئی-

وکیل نے کہا کہ درخواست گزار اپوزیشن لیڈر اور ممبران قومی اسمبلی ہیں –

ان کے خلاف اسلام آباد میں مقدمات درج کئے گئے ہیں-

جسٹس شکیل احمد نے ریمارکس دیے کہ یہ ملک سلامت ہے تو ہم ہیں، ترجیح یہ ملک ہے جب کوئی ناخوشگوار واقعہ ہوتا ہے تو ملک کا نقصان ہوتا ہے-

اگر کوئی سیکیورٹی والا زخمی ہوتا ہے تو وہ بھی ملک کا بیٹا ہے۔

جسٹس شکیل احمد نے کہا کہ مسائل کو پارلیمان میں بیٹھ کر حل کریں-

حکومت کو بھی ذمہ داری کا مظاہرہ کرنا چاہیے، مسائل مل بیٹھ کر حل کریں-

اس میں سب کی بہتری ہے۔عدالت نے عمر ایوب اور فیصل امین کی 21 دسمبر تک راہداری ضمانت منظور کرلی۔