شہباز شریف اور حمزہ کی پیرول میں جمعرات تک توسیع
ویب ڈیسک
بدھ, ۲ دسمبر ۲۰۲۰
پنجاب حکومت نے قومی اسمبلی میں قائد حزب اختلاف شہبازشریف اور پنجاب اسمبلی میں قائد حزب اختلاف حمزہ شہباز کی پیرول میں جمعرات تک ایک دن کی توسیع دے دی
شیئر کریںپنجاب حکومت نے قومی اسمبلی میں قائد حزب اختلاف شہبازشریف اور پنجاب اسمبلی میں قائد حزب اختلاف حمزہ شہباز کی پیرول میں جمعرات تک ایک دن کی توسیع دے دی۔قومی اسمبلی میں اپوزیشن لیڈر شہباز شریف اور حمزہ شہباز کی پیرول پر رہائی کی مدت بدھ کو ختم ہوگئی تھی۔ وزیراعلیٰ پنجاب عثمان بزدار نے (ن)لیگ کی درخواست پر محکمہ داخلہ سے مشاورت کی جس کے بعد شہباز شریف اور حمزہ شہباز کی پیرول پر رہائی کی مدت میں توسیع کا فیصلہ کیا گیا۔ وزیراعلیٰ پنجاب نے پیرول مدت میں ایک روز کی توسیع کی منظوری دی جس کی تصدیق معاون خصوصی فردوس عاشق اعوان نے کی۔
