تحریک انصاف سوشل میڈیا پر سب سے مؤثر سیاسی جماعت قرار
شیئر کریں
39فیصد پاکستانیوں کے مطابق پی ٹی آئی سوشل میڈیا پر سب سے موثر سیاسی جماعت ہے
مسلم لیگ (ن)کو 28فیصد پاکستان پیپلز پارٹی کو 9فیصد شہریوں نے موثر قرار دیا،سروے
غیرسرکاری ادارے انسٹیٹیوٹ فار پبلک اوپینین ریسرچ نے اپنی رپورٹ میں کہا ہے کہ پی ٹی آئی سوشل میڈیا پر سب سے موثر سیاسی جماعت کے طور پر موجود ہے۔سروے رپورٹ کے مطابق 39% پاکستانیوں کے مطابق پاکستان تحریکِ انصاف سوشل میڈیا پر سب سے موثر سیاسی جماعت ہے،مسلم لیگ (ن)کو 28%، پاکستان پیپلز پارٹی کو 9فیصد شہریوں نے موثر قرار دیا۔سروے رپورٹ میں کہا گیاکہ تحریکِ لبیک پاکستان کو صرف 1%افراد نے موثر قرار دیا، 55%افراد سوشل میڈیا پر حکومت کی جاری کردہ معلومات پر اعتماد نہیں کرتے، صرف 37% افراد نے حکومت کی دی گئی معلومات اعتماد کا اظہار کیا۔رپورٹ کے مطابق وٹس ایپ سوشل میڈیا پرسب سے زیادہ استعمال ہونیوالی ایپ ہے، پاکستان میں43%افراد کے مطابق فیس بک جھوٹی خبروں کا سب سے بڑا ذریعہ ہے۔
