اقتدار میں آ کر مہنگائی ختم کرنا پہلی ترجیح ہو گی، نواز شریف

ویب ڈیسک

اتوار, ۲ جولائی ۲۰۲۳

شیئر کریں

سابق وزیر اعظم میاں نواز شریف سے مسلم لیگ (ن) یو اے ای کے عہدیداروں نے ملاقات کی، اس موقع پر آئندہ انتخابات کی حکمت عملی پرتبادلہ خیال کیا گیا۔وفد کی قیادت مسلم لیگ (ن) یو اے ای کے صدر غلام مصطفیٰ مغل نے کی، ملاقات میں پارٹی کی چیف آرگنائزر مریم نواز اور مسلم لیگ گلف کے صدر ایم این اے احسان الحق باجوہ بھی موجود تھے۔ایم پی اے آزاد علی تبسم،غوث قادری، عبدالوحید پال، ابوبکر آفندی، چودھری عبدالغفار اور افتخار بٹ بھی ملاقات کرنے والوں میں شامل تھے، سابق وزیر اعظم نے سب کو عید کی مبارک باد دی۔نواز شریف نے کہا کہ مسلم لیگ (ن) پاکستان کے مسائل پر جلد قابو پا لے گی، برسر اقتدار آ کر مہنگائی کا خاتمہ پہلی ترجیح ہوگی، مشکل حالات کا مقابلہ کرنے والے کارکنوں کو سلام پیش کرتا ہوں۔