سندھ بلڈنگ ،کھوڑو سسٹم میں ذوالفقار بلیدی کی اجارہ داری
شیئر کریں
پانچ سالوں میں منظم طریقے سے ماڈل کالونی میں بلند عمارتوں کا جنگل اُگا دیا
پلاٹ نمبر A52کالا بورڈ 38/1شیٹ نمبر 20رہائشی پلاٹوں پر کمرشل تعمیرات
سندھ بلڈنگ کنٹرول اتھارٹی میں رائج کھوڑو سسٹم میں بھی اسسٹنٹ ڈائریکٹر ذوالفقار بلیدی کی اجارہ داری قائم ہے۔تازہ اطلاعات کے مطابق ضلع کورنگی کے علاقے ماڈل کالونی پرعرصہ 5سال سے قابض ہیں۔ احتساب سے بالاتر ہو کر منظم طریقے سے بلند عمارتوں کا جنگل اُگانے میں مصروف عمل ہیں اور ملکی محصولات کو کروڑوں روپے کا نقصان پہنچا کر انہدام سے محفوظ رکھنے کے لئے پیکیج مافیا بھی سرگرم ہے۔ اس وقت بھی موصوف کی سرپرستی میں پلاٹ نمبر A52کالا بورڈ اور 38/3شیٹ نمبر 20ماڈل کالونی کے رہائشی پلاٹوں پر کمرشل تعمیرات شروع کروا رکھی ہیں ۔بدقسمتی سے سندھ بلڈنگ میں ایسے تمام افسران کی سرپرستی کی جاتی ہے جن پر سنگین نوعیت کے الزامات ہوتے ہیں۔ ایسے افسران میں ذوالفقار بلیدی بھی شامل ہیں، جن کی غیر قانونی تعمیرات سے پورا ضلع کورنگی مسلسل متاثر ہو رہا ہے۔
