احتجاجی سیاست شروع کرنے کیلئے پی ٹی آئی کا لائحہ عمل تیار
شیئر کریں
26نومبر کے بعد ہماری سیاسی جدوجہد میں کمی آئی، توقع نہیں تھی ہم پر گولیاں چلائی جائیں گی
عمران خان نے تنظیمی عہدیداروں کو دوبارہ سے جہدوجہد شروع کرنے کی ہدایت دی ، شبلی فراز
پاکستان تحریکِ انصاف کے رہنما شبلی فراز نے کہا ہے کہ احتجاجی سیاست دوبارہ سے شروع کرنے کے لیے پارٹی نے لائحہ عمل تیار کر لیا ہے ۔ نجی ٹی وی سے گفتگو میں شبلی فراز نے کہا کہ پی ٹی آئی 3 سال سے احتجاجی سیاست کر رہی ہے ، 26 نومبر کے بعد ہماری سیاسی جدوجہد میں کمی آئی، ہمیں توقع نہیں تھی کہ ہم پر گولیاں چلائی جائیں گی۔اْنہوں نے کہا کہ اب بانی پی ٹی آئی سے ملاقاتیں شروع ہوئیں تو دوبارہ سرگرمیاں شروع ہو رہی ہیں، عمران خان نے تنظیمی عہدیداروں کو دوبارہ سے جہدوجہد شروع کرنے کی ہدایت دی ہے ۔شبلی فراز نے کہا کہ وزیراعلیٰ کے عمل دخل کے بغیر احتجاج زیادہ موثر نہیں ہوتا، علی امین گنڈاپور احتجاج میں جنید اکبر کو سپورٹ کریں گے ۔اْنہوں نے یہ بھی بتایا کہ جنید اکبر کو بانی پی ٹی آئی نے بنایا ہے اور ان پر اعتبار بھی ہے ۔
