تنقید کرنے والوں کو سلام، انکی وجہ سے کرکٹ اوپر جائے گی، محمد رضوان

ویب ڈیسک

منگل, ۲ مئی ۲۰۲۳

شیئر کریں

قومی کرکٹ ٹیم کے وکٹ کیپر بلے باز محمد رضوان نے کہا کہ تنقید کرنیوالوں کو سلام انکی وجہ سے ملک کی کرکٹ اوپر جائے گی۔کراچی میں پریس کانفرنس کرتے ہوئے محمد رضوان کا کہنا تھا کہ ورلڈکپ بیس لوگوں کاکھیل نہیں ہم سب حصہ دارہیں، نئی چیزوں پر فوکس رکھتے ہوئے ماضی کی باتوں کو بھول کر آگے بڑھنا ہوگا۔محمد رضوان کا کہنا تھا کہ انٹرنیشنل کھیل پریشر کا کھیل ہے، تنقید کرنیوالوں کو سلام کیونکہ وہ پاکستان کیلئیسوچتے ہیں، تنقید سے ملک کی کرکٹ اوپرجائیگی۔انہوں نے کہا کہ کراچی کی پچز پنڈی سے مختلف ہیں، پچ اورکنڈیشن اہمیت کی حامل ہوتی ہے اور مختلف کنڈیشنزمیں مختلف نتیجہ ہوتاہے۔