الیکشن کمیشن کا اسلام آباد کے بلدیاتی انتخابات جلد کرانے کا فیصلہ
جرات ڈیسک
پیر, ۲ جنوری ۲۰۲۳
شیئر کریں
الیکشن کمیشن آف پاکستان نے اسلام آباد میں بلدیاتی انتخابات جلد کرانے کا فیصلہ کر لیا۔ نجی ٹی وی کے مطابق الیکشن کمیشن آف پاکستان نے وفاقی دارالحکومت اسلام آباد میں بلدیاتی انتخابات جلد از جلد کرانے کا فیصلہ کر لیا جس کے لیے تیاریاں بھی تیز کر دی گئیں، پولنگ کے لئے 10 جنوری کی تاریخ زیر غور ہے، حتمی تاریخ کا تعین چیف الیکشن کمشنر دیگر ممبران کی مشاورت سے کریں گے۔ واضح رہے کہ اسلام آباد ہائیکورٹ نے الیکشن کمیشن کا فیصلہ کالعدم قرار دیتے ہوئے بلدیاتی انتخابات شیڈول کے مطابق 31 دسمبر کو ہی کرانے کا حکم دیا تھا۔
